मुक्ताईनगर ( प्रतिनिधी ) – शहरातील सिड फार्म येथे राहणारे शेख हकीम शेख रशीद चौधरी यांच्या घरातून अज्ञात चोरट्यांनी दोन सॅमसंग मोबाईल व टेबलावर ठेवलेली 30 ग्रॅम सोन्याची पोत असा 60 हजाराचा ऐवज चोरून नेला. मुक्ताईनगर पोलिस ठाण्यात गुन्हा दाखल करण्यात आला.
17 मार्च रोजी सकाळी शेख हकिम शेख रशीद हे कचरा गाडीमध्ये कचरा टाळण्याकरता उठले त्यावेळेस मोबाईल चार्जिंगला लावलेला होता. कचरा टाकल्यानंतर घरासमोरील रोपांना पाणी टाकल्यानंतर ते घरामागील रोपांना पाणी टाकण्यासाठी गेले . रोपांना पाणी टाकुन ते घरात गेले. त्यावेळी त्यांनी पत्नी नाजेमाबी हिला मोबाईल चार्जिंग लावलेला होता ते दिसत नाही म्हणत त्यांनी पत्नीकडे तिचा मोबाईल मागितला. त्यावेळी पत्नीने सागितले की, माझा मोबाईलपण सापडत नाही टेबलावर ठेवलेली 30 ग्रॅम वजनाची पोत सुध्दा घरात दिसत नसल्याने खात्री झाली की अज्ञात इसम मोबाईल व सोन्याची पोत चोरुन घेऊन गेला. घराबाहेर लावलेले सिसीटीव्ही फुटेज तपासल्यावर एक अज्ञात व्यक्ती पांढरा रंगाचा शर्ट व काळे रंगाची पॅन्ट घातलेला घरात आला चोरुन नेल्याचे समोर आले.
शेख हकिम शेख रशीद चौधरी यांनी मुक्ताईनगर पोलीस ठाण्यात अज्ञात चोरटय़ांविरुधात तक्रार दिली त्याचा तक्रारीवरून मुक्ताईनगर पोलीस ठाण्यात गुन्हा दाखल करण्यात आला आहे, पुढील तपास पोहेकॉ आसीम तडवी करीत आहेत .
