जळगाव (प्रतिनिधी) – मोहननगर येथून साफसफाईचे काम आटोपून घरी जात असताना वृद्ध महिलेच्या गळ्यातील सोन्याचे मंगलपोत अज्ञात चोरट्याने हिसकावून लांबविली. हि घटना सोमवारी १५ मे रोजी दुपारी १ वाजता घडली आहे. याबाबत रामानंदनगर पोलीस ठाण्यात गुन्हा दाखल करण्यात आला आहे.
कमलाबाई रघुनाथ भालेराव (वय-६५) रा. समता नगर, जळगाव या महिला सोमवारी १५ मे रोजी दुपारी १ वाजता त्या साफसफाईचे काम आटोपून घरी पायी जात होत्या. महाबळ परिसरातील मोहन नगर येथे एक अनोळखी तरुणाने त्यांच्याजवळ येऊन त्यांच्या गळ्यातील सोन्याचे पदक असलेली मंगलपोत जबरी हिसकावून चोरून नेली. झालेल्या झटापटीत वृद्ध महिलेच्या मानेला जखम झाली आहे. ही घटना घडल्यानंतर वृद्ध महिलेने रामानंदनगर पोलीस ठाण्यात धाव घेऊन तक्रार दिली. महिलेच्या फिर्यादीवरून रामानंदनगर पोलीस ठाण्यात दुपारी ४ वाजता अज्ञात चोरट्यांवर गुन्हा दाखल करण्यात आला आहे. पुढील तपास सहाय्यक पोलीस निरीक्षक रोहिदास गबाले करीत आहे.
