जळगाव(प्रतिनिधी) – शिरसोली जकात नाक्याजवळील एल.एच.शाळेसमोरून तरूणाची दहा हजार रूपये किंमतीची दुचाकी अज्ञात चोरट्याने चोरून नेल्याची घटना घडली आहे. याप्रकरणी गुरूवार १५ डिसेंबर रोजी सायंकाळी ७ वाजता एमआयडीसी पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे.
याबाबत सविस्तर वृत्त असे की, तौफिक खलील शेख (वय-३१) रा. दत्त नगर, मेहरूण हा तरूण आपल्या परिवारासह राहायला आहे. १२ डिसेंबर रोजी सायंकाळी ५ वाजेच्या सुमारास शिरसोली जकात नाक्याजवळील एल.एच.शाळेजवळ कामानिमित्त दुचाकी (एमएच १९ बीएच ७२२८) ने आलेला होता. त्यावेळी दुचाकी शाळेच्या समेार पार्किंगला लावलेली होती. अज्ञात चोरट्यांनी पार्किंगला लावलेली दहा हजार रूपये किंमतीची दुचाकी चोरून नेल्याचे समोर आले. तरूणाने दुचाकीचा सर्वत्र शोध घेतला परंतू दुचाकी कुठेही मिळून आली नाही. अखेर गुरूवारी १५ डिसेंबर रोजी सायंकाळी ७ वाजता एमआयडीसी पोलीस स्टेशनलादिलेल्या तक्रारीवरून तक्रारीवरून एमआयडीसी पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे. पुढील तपास पोलीस नाईक गणेश शिरसाळे करीत आहे.
