पाचशे रूपयांची लाच घेतांना कोषागार अव्वल कारकून एसीबीच्या जाळ्यात

यावल तहसील कार्यालयातील प्रकार

जळगाव (प्रतिनिधी) – यावल येथे तहसील कार्यालयातील कोषागार अव्वल कारकूनाला लाचलुचपत विभागाने पाचशे रूपयांची लाच घेतांना रंगेहात पकडले आहे. या कारवाईमुळे यावल तहसील कार्यालयात सर्वत्र खळबळ उडाली आहे.

सविस्तर माहिती अशी की, यावल तहसील कार्यालयातील कोषागार विभागातील अव्वल कारकून मुक्तार फकीरा तडवी रा.लोकेश नगर, यावल ता.यावल याने तक्रारदार यांचे वडीलांचे नावे मौजे मोहराळे शिवारात शेतजमिन असुन त्या शेतजमीनीचे खरेदी-विक्री व्यवहाराबाबत वाद-विवाद होते. त्यामुळे सदर वाद-विवादाबाबत तहसिलदार यावल यांचेकडे दावा दाखल केला गेला होता. सदर दाखल केलेल्या दाव्यामधील तहसिलदार यावल यांनी दिलेल्या निकालाच्या दस्तऐवजांच्या नकला देण्याच्या मोबदल्यात शासकीय फि व्यतिरीक्त तक्रारदार यांचेकडे 500 रुपये लाचेची मागणी केली व तक्रारदार यांनी जळगाव एसीबी कडे तक्रार दिली यावरून आज सकाळी 500 रुपये लाचेची रक्कम तडवी यांनी स्वतः पंचासमक्ष तहसिल कार्यालय,यावल येथे स्वीकारली असता रंगेहाथ पकडले पकडले आहे. या करवाईमुळे परिसरात खळबळ उडाली आहे. सदर कारवाई लाचलुचपत विभागाचे
डीवायएसपी शशिकांत एस.पाटील, यांच्या मार्गदर्शनाखाली पो.नि.संजोग बच्छाव, पो.नि.एन.एन.जाधव स.फौ.दिनेशसिंग पाटील, स.फौ.सुरेश पाटील, पो.हे.कॉ.अशोक अहीरे, पो.हे.कॉ.सुनिल पाटील, पो.हे.कॉ.रविंद्र घुगे, म.पो.हे.कॉ. शैला धनगर, पो.ना.मनोज जोशी, पो.ना.जनार्धन चौधरी, पो.ना.सुनिल शिरसाठ, पो.कॉ.प्रविण पाटील, पो.कॉ.महेश सोमवंशी, पो.कॉ.नासिर देशमुख, पो.कॉ.ईश्वर धनगर पो.कॉ.प्रदिप पोळ. यांनी कारवाई केली आहे.