जळगाव ( प्रतिनिधी ) – मोबाईल स्नॅचिंग २, घरफोडी २, मोटार सायकल चोरीचे ३ गुन्हे करणाऱ्या आरोपीना स्थानिक गुन्हे शाखेने अटक केली असून ७ गुन्हे उघडकीस आणले.आहेत . या टोळीचा सूत्रधार युसुफ शेख उर्फ चिल्या असून तो ३ बालकांच्या मदतीने गुन्हे करत होता .
महिन्याभरापासून जळगाव शहरात मोबाईल स्नॅचींग, घरफोडी व मोटार सायकलचोरीचे गुन्ह्यात वाढ होत असल्याने स्थानिक गुन्हे शाखेचे पो नि किरणकुमार बकाले यांनी पथक तयार करुन सपोनि जालींदर पळे, सफौ युनुस शेख, अशोक महाजन, पोह सुनिल दामोदरे, पोह विजयसिंग पाटील, जितेंद्र पाटील, अक्रम शेख, सुधाकर अंभोरे, महेश महाजन, संदीप सावळे, पोना अविनाश देवरे, रविंद्र पाटील, दिपक शिंदे, नितीन बावीस्कर, प्रितम पाटील चालक सफौ राजेंद्र पवार यांच्यावर तपासाची जबाबदारी सोपवली होती .
हे पथक शहरात फिरुन गुप्त बातमीदारा मार्फत माहिती काढत असतांना पो नि किरणकुमार बकाले यांना गुप्त बातमीदारा मार्फत युसुफ शेख उर्फ चिल्या ( रा. शिवाजी नगर हुडको ) व त्याचे साथीदार यांनी शहरात मोबाईल स्नॅचींगचे गुन्हे केल्याची बातमी मिळाली ते शिवाजी नगर भागात राहतात. पथकाने शिवाजीनगर भागात फिरून आरोपीची माहिती काढुन आरोपी युसुफ शेख उर्फ चिल्या इसा शेख यास ताब्यात घेतले होते. आरोपी युसुफ शेख याने व त्याचे ३ साथीदार अल्पवयीन बालक यांनी मिळून गुन्हे केल्याची कबुली दिली
आरोपी युसुफ शेख याचे कडून जिल्हापेठ पो.स्टेमध्ये दाखल गु र न . २०२/२०२२ , चोपडा शहर पो.स्टेपो.स्टेमध्ये दाखल गु र न ७७/२०२२ , जळगाव शहर पो.स्टे.मध्ये दाखल गु र न ५२/२०२२ , जिल्हापेठ पो.स्टे.पो.स्टेमध्ये दाखल गु र न २०० / २०२२ , जळगाव शहर पो.स्टेपो.स्टेमध्ये दाखल गु र न ५३ / २०२२ , जळगाव शहर पो.स्टेपो.स्टेमध्ये दाखल गु र न ४३ / २०२२ , शनिपेठ पो.स्टेपो.स्टेमध्ये दाखल गु र न ३६/२०२२ असे मोबाईल स्नॅचिंगचे २, घरफोडीचे २, मोटार सायकलचे ३ असे ७ गुन्हे उघडकीस आणुन मुद्देमाल जप्त करण्यात आला आहे. पुढील तपास सपोनि जालींदर पळे करीत आहेत.
