जळगाव ( प्रतिनिधी ) – पहूर – जळगाव रस्त्यावरील चिंचोली गावाजवळ दोन कारच्या समोरासमोर झालेल्या धडकेत महिला किरकोळ जखमी झाली. एमआयडीसी पोलीस ठाण्यात कारचालकावर गुन्हा दाखल करण्यात आला.
विजय जगन्नाथ कोळी (वय-४३ , रा. वाघोदा ता. रावेर ) हे (एमएच १९ सीजे ४१४१) कारने वर्षा अशोक बागल यांच्यासह पहूरकडून जळगावकडे येत असतांना पहूर-जळगाव रस्त्यावरील चिंचोली गावाजवळ समोरून येणारी कार क्रमांक (एमएच १२ डीएस ८३०७) वरील चालकाने राँग साईडला येवून विजय कोळी यांच्या कारला धडक दिली. या अपघातात वर्षा बागल किरकोळ जखमी झाल्या आहे. विजय कोळी यांनी एमआयडीसी पोलीस ठाण्यात तक्रार दिली. या तक्रारीवरून कार क्रमांक (एमएच १२ डीएस ८३०७) वरील चालकाविरोधात गुन्हा दाखल करण्यात आला पुढील तपास पोहेकॉ गफुर तडवी करीत आहेत.
