जळगाव ( प्रतिनिधी ) – मोबाईल ॲप्लीकेशनच्या माध्यमातून घेतलेले ऑनलाईन कर्ज व व्याज देवूनही पुन्हा पैशांची मागणी करत तरूणाच्या नातेवाईकांना अश्लिल मॅसेज पाठवून ५३ हजार ५९३ रूपयांची फसवणूक केली आहे. जळगाव सायबर पोलीस ठाण्यात अज्ञात मोबाइल धारकावर गुन्हा दाखल करण्यात आला
जामनेर शहरात २८ वर्षीय तरूण कुटुंबियांसह वास्तव्याला आहे. त्याचे ऑनलाईन सेवा केंद्र असून त्यावर त्याचा उदरनिर्वाह सुरू आहे. २९ मार्च २०२२ ते ८ जून २०२२ दरम्यान तरूणाने कॅश ॲडव्हान्स नावाच्या मोबाईल ॲप्लीकेशनच्या माध्यमातून वेळोवेळी २ लाख २९ हजार ९४ हजाराचे ऑनलाईन लोन घेतले. परंतू सर्व्हीस चार्ज म्हणून ८८ हजार ८१० रूपये कापून घेतले गेले उर्वरित १ लाख ४० हजार २५४ रूपये खात्यात जमा झाले अज्ञात मोबाईल धारकांनी सात दिवसाच्या आत पैश्यांची मागणी केली. त्यानुसार १ लाख ४० हजार २५४ रूपये आणि कर्जाच्या रकमेवरील व्याज ५३ हजार ५६४ रूपये असे १ लाख ९३ हजार ८१८ रूपये परत केले.
दरम्यान अज्ञात व्यक्तींनी अजून पैशांची मागणी केली. पैसे दिले नाही तर तुझ्यासह तुझ्या कुटुंबियांची बदनामी करू अशी धमकी दिली. तरूणाच्या मोबाईलचा डाटा चोरून तरूणासह नातेवाईकांना अश्लिल मॅसेज पाठवून खंडणीची मागणी केली. या त्रासाला कंटाळून तरूणाने जळगाव सायबर पोलीस ठाण्यात तक्रार दिली. त्यांच्या तक्रारीवरून ११ जून रोजी सायबर पोलीस ठाण्यात गुन्हा दाखल करण्यात आला. पुढील तपास पो नि लिलाधर कानडे करीत आहेत.
