अमळनेर (प्रतिनिधी) – अमळनेर शहरातील तरुणाची दुचाकी मंगळग्रह मंदिरासमोरून अज्ञात चोरट्याने लांबविल्याचा प्रकार उघडकीला आला आहे. अमळनेर शहर पोलीस ठाण्यात गुन्हा नोंदविण्यात आला आहे.
स्वप्निल वाल्मिक चौधरी (वय-२५ , रा. शिख जीन समोर अमळनेर ) हे खासगी दुकानावर कामाला आहे. त्यांच्याकडे कामासाठी (क्रमांक एमएच १९ डीपी २९७६) दुचाकी आहे. ६ डिसेंबर रोजी सांयकाळी ७ वाजेच्या सुमारास कामाच्या निमित्ताने मंगळग्रह मंदीरासमोर आले. सार्वजनिक जागेवर आपली दुचाकी पार्कींग करून कामाच्या ठिकाणी गेले. रात्री ८ वाजेच्या सुमारास पुन्हा जागेवर येवून पाहिले असता त्यांना दुचाकी आढळून आली नाही. याप्रकरणी अमळनेर पोलीस ठाण्यात अज्ञात चोरट्यांविरोधात गुन्हा नोंदविण्यात आला आहे. पुढील तपास पोहेकॉ सुनिल पाटील करीत आहे.
