चाळीसगाव ( प्रतिनिधी ) – तालुक्यातील सांगवी येथे एका ऊसतोड मजुराच्या घरात अचानक गॅस सिलिंडरचा स्फोट झाला या आगीत रोकडसह तीन लाखाचा मुद्देमाल खाक झाल्याची माहिती मिळाली
चाळीसगाव तालुक्यातील सांगवी येथील दामु फंदु राठोड हा ऊसतोड मजूर आहे राठोड हा नुकताच ऊसतोडणी वरून घरी परतला आहे. त्यांच्या पत्नी सकाळी स्वयंपाक करीत असताना अचानक गॅसचा स्फोट झाला. यावेळी घरातील संसार उपयोगी वस्तूंसह ५ ग्रॅम सोने, बाजरीचे धान्य, बैलांची विक्री करून कपाटात ठेवलेले १ लाख रुपये असे ३ लाख रुपयांचा मुद्देमाल जळून खाक झाल्याची घटना बुधवारी घडली या घटनेने परिसरात हळहळ व्यक्त होत आहे. त्यांचे शेजारी धनंजय ठाकरे यांच्याही घराचे मोठ्या प्रमाणात नुकसान झाले आहे. घटनेचा पंचनामा करण्यात आला . मात्र स्फोट कशामुळे झाला हे अद्याप अस्पष्ट आहे.
