जळगाव ( प्रतिनिधी ) – गोदावरी इंजीनीअरिंग काँलेज समोर नाकाबंदीसाठी नेमलेल्या शहर वाहतूक शाखेच्या पोलीस पथकाने १० जनावरांना कोंबून नेणारे वाहन रात्री २ वाजता पकडून ही जनावरे आणि वाहन जप्त करीत वाहनचालकाविरोधात एम आय डी सी पोलीस ठाण्यात गुन्हा दाखल केला आहे .
शहर वाहतूक शाखेचे स.पो. वामन महाजन यांनी एम आय डी सी पोलीस स्टेशनला दिलेल्या फिर्यादीत म्हटले आहे की ८ जुलै रोजी सकाळी ते ९ जुलैरोजी सकाळी ८ पावेतो माझ्यासह हे.कां. हकीम शेख , हर्षद गवळी, समा तडवी, साहेबराव कोळी यांना गोदावरी इंजीनीअरिंग काँलेज समोर नाकाबंदीसाठी नेमलेले होते .
९ जुलैरोजी नाकाबंदी दरम्यान वाहने तपासताना रात्री २ च्या सुमारास पिकअप गाडी आली तिला थांबबीले त्या गाडीत क्षमतेपेक्षा जास्त जनावरे भरलेली दिसली चालकाची चौकशी केली त्याचे नाव शकिल अहमद मसुद्दीन ( वय ३२ रा – मेहरुण पिरजादेवाडा ) असल्याचे त्याने सांगितले त्याच्याकडे जनावरांच्या वाहतुकीचा परवाना नव्हता म्हणुन आम्ही एम.आय.डी. सी पोलीस ठाण्याला नांतर पो कॉ किशोर पाटील व छगन तायडे आले त्यांनी व आम्ही वाहन पोलीस ठाण्यात नेले
या वाहनात ४ बैल व ६ गोऱ्हे अक्षरशः कोंबून भरलेले होते या जनावरांसह वाहन असा ६ लाख २८ हजार रुपयांचा मुद्देमाल जप्त केला आहे या वाहनचालकाच्याविरुध्द प्राण्यांविषयी निर्दयतेला प्रतिबंध कायदा सन १५६० ‘चे कलम ११ (१) ड , प्राणी संरक्षण अधिनियम २०१५ चे कलम ५(अ) १/ ९ तसेच भा दं वि कलम ४२९ सह मोटारवाहन कायदा कलम ८३/१७७ प्रमाणे गुन्हा एम आय डी सी पोलीस ठाण्यात दाखल करण्यात आला आहे.
