जळगाव (प्रतिनिधी) – येथील नूतन मराठा महाविद्यालयात विज्ञान विभागातर्फे विविध विषयांवर सेमिनार आणि पोस्टर प्रदर्शन घेण्यात आले. विद्यार्थ्यांनी उत्स्फूर्तपणे सहभाग घेत त्यांच्यातील संशोधक वृत्तीला वाट मोकळी करून दिली.
विज्ञानातील चालू असलेल्या संशोधनावर आधारित सेमिनारचे आयोजन करण्यात आलेले होते. त्यात ३० विद्यार्थी-विद्यार्थिनींनी विज्ञानावरील नॅनो टेक्नॉलॉजी , ग्रीन केमिस्ट्री, मोबाईल एडिक्शन , मॅथ इज ऑल अबाउट, कॉन्ट्रीब्युशन ऑफ अशा विविध विषयांवर सेमिनार सादर केले.
सेमिनारचे उद्घाटन महाविद्यालयाचे उपप्राचार्य प्रा. आर. व्ही. देशमुख यांच्या हस्ते तर पोस्टर प्रदर्शनचे उद्घाटन इंडियन इन्स्टिट्यूट ऑफ केमिकल टेक्नॉलॉजी, मुंबईचे डॉ. सारंग ताम्हणकर यांच्या हस्ते करण्यात आले. पोस्टर प्रदर्शनात पल्स मॉनिटरिंग सिस्टीम, स्पिन कोटिंग, ऑटोमॅटिक नाईट लॅम्प युजिंग एलडीआर, इंटेलिजन्स सिस्टीम अँड मशीन विजन, सोईल डिटेक्टर, इकोसिस्टीम, अल्ट्रासोनिक इंटर फेरोमीटर, क्रिप्टोग्राफी, अँटिबायोटिक रेजिस्टन्स, आर्टिफिशल इंटेलिजन्स अशा विविध विषयावर ५२ विद्यार्थ्यांनी पोस्टर सादरीकरण केले.
सायन्स असोसिएशनचे अध्यक्ष प्रा.आर.बी. देशमुख यांनी विज्ञान सेमिनार घेण्यामागची संकल्पना विशद केली. पी.जी. समन्वयक डॉ. के .बी. पाटील यांनी आभार मानले. मराठी विज्ञान परिषदेचे प्रा.दिलीप भारंबे , प्रा. आर .ए.पाटील, शशिकांत नेहेते यांनी पोस्टर प्रदर्शनास भेट दिली. उपप्राचार्य डॉ. माधुरी पाटील, डॉ.वाय .पी. पाटील, डॉ. एस पी मोते, प्रा. एस .आर. गायकवाड , प्रा. एन बी बाविस्कर, प्रा. जितेंद्र पाटील, प्रा. नफिसा तडवी, प्रा. अन्नम सय्यद, प्रा. राहुल साळुंखे, प्रा. आदित्य पाटील यांनी सहकार्य केले.
