पारोळा ( प्रतिनिधी ) – पारोळा तालुक्यातील शिरसमणी व तामसवाडी, वसंतवाडी या भागातून गुरांची चोरी झाली आहे. याबाबत पारोळा पोलीस स्टेशनला अज्ञात चोरट्यांवर गुन्हा दाखल करण्यात आला आहे.
याबाबत अधिक माहिती अशी की, धर्मा बाजीराव पाटील रा, मुंदाने ता.पारोळा हे शेतकरी आहे. त्यांचेसह शिवाजी अर्जुन कुंभार रा. तामसवाडी, भुरेसिंग जगन जाधव रा. वसंतवाडी यांच्या शिरसमणी, तामसवाडी व वसंतवाडी शिवारातून दोन बैल, गाय व दोन लहान गोऱ्हे अशा गुरांची चोरी झाल्याचे समोर आले आहे. यामध्ये एकूण १ लाख १० हजार रुपये किंमतीचे शेतकऱ्यांची नुकसान झाले आहे. याबाबत धर्मा पाटील यांनी पारोळा पोलीस स्टेशनला तक्रार दिल्यावरून मंगळवारी १ नोव्हेंबर रोजी दुपारी २ वाजता पारोळा पोलीस स्टेशनला गुन्हा दाखल करण्यात आला आहे. या घटनेबाबत पुढील तपास सहाय्यक फौजदार जयवंत पाटील करीत आहे.
