जळगाव तालुक्यातील किनोद येथील घटना
जळगाव (प्रतिनिधी) :- तालुक्यातील किनोद येथे २४ वर्षीय विवाहितेने नैराश्यातून गळफास घेऊन आत्महत्या केल्याची घटना उघडकीस आली आहे. याप्रकरणी तालुका पोलीस स्टेशनला अकस्मात मृत्यूची नोंद करण्यात आली आहे.
अश्विनी विशाल चौधरी (२४, रा. किनोद, ता. जळगाव) असे या विवाहितेचे नाव आहे. विवाहितेच्या पश्चात पती, दीड वर्षाचा मुलगा आहे. तिचे पती विशाल हे जळगावात खाजगी क्षेत्रात काम करून उदरनिर्वाह करतात. शनिवार, ३० डिसेंबर रोजी पहाटे तीन वाजता हि घटना उघडकीस आली. शुक्रवार, २९ डिसेंबर रात्री सर्व जणांनी सोबत जेवण केल्यानंतर चौधरी कुटुंबीय झोपले. शनिवारी मध्यरात्री कधीतरी विवाहितेने छताला गळफास घेऊन आत्महत्या केली. पहाटे ३ वाजता पती पिण्यासाठी उठले त्या वेळी ही घटना समोर आली. त्यांनी एकच आक्रोश केला.
वाहितेला शासकीय वैद्यकीय महाविद्यालय व रुग्णालयात नेण्यात आले. तेथे डॉक्टरांनी त्यांना मयत घोषित केले. यावेळी कुटुंबीयांनी आक्रोश केला. यावेळी जळगाव तालुका पोलीस स्टेशनला माहिती मिळताच त्यांनी घटनास्थळी धाव घेतली. विवाहितेच्या आत्महत्येप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
