जळगाव तालुक्यातील म्हसावद येथील घटना
जळगाव (प्रतिनिधी) :- तालुक्यातील म्हसावद येथील तरुणाने विषारी पदार्थ सेवन करून आत्महत्या करण्याचा प्रयत्न केला होता. या तरुणावर उपचार सुरु होते. उपचार सुरु असतांना या तरुणाची प्राणज्योत मालवली. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली.
जळगाव तालुक्यातील म्हसावद येथील परवेश जब्बार खाटीक (वय २६, रा. म्हसावद्, ता. जळगाव) या तरुणाने विषारी पदार्थ सेवन केले होते. त्याला शासकीय वैद्यकीय महाविद्यालय व रुग्णालयात दाखल केले होते. याठिकाणी त्याच्यावर उपचार सुरु असतांना दि. ३० रोजी मृत्यू झाला. या प्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
