विनापरवाना लाकूड वाहतूक केल्याप्रकरणी गुन्हा दाखल
एमआयडीसी पोलिसांची कारवाई
जळगाव (प्रतिनिधी) :- शहरातील नेरी नाका परिसरात विनापरवाना अवैध लाकडांची वाहतूक करताना एका संशयित आरोपीना एमआयडीसी पोलीस स्टेशनने कारवाई केली आहे. या प्रकरणी गुन्हा दाखल करण्यात आला आहे.
पोलीस निरीक्षक जयपाल हिरे यांना गोपनीय बातमी मिळाली होती. दि. ८ नोव्हेंबर रोजी टाटा कंपनीचा छोटा हत्ती वाहन (क्रमांक एमएच १५ डीके ३५६) या वाहनामध्ये अवैध लाकडाची वाहतुक होत आहे. बातमीनुसार संध्याकाळी साडेपाच वाजता नेरी नाका, पांचाळ गल्ली समोर रोडवर जळगाव टाटा कंपनीचा छोटा हत्ती वाहन मिळुन आले होते. त्यामधे निंब जातीच्या झाडाचे ओले लाकुड मिळाले होते.
वाहनावर असलेला चालक सैय्यद मुस्तकिन सैय्यद मुनाफ (वय २५ वर्ष रा. लकडी वखार, शिवाजी नगर, जळगाव) हा लाकुड वाहतुकिचा परवाना नसताना अवैध लाकडांची वाहतूक करताना मिळून आला. म्हणून त्याच वाहनासह ताब्यात घेऊन पुढील कारवाई कामी वनविभागाच्या ताब्यात देण्यात आलेले आहे. सदरची कारवाई पोलीस निरीक्षक यांच्या मार्गदर्शनाखाली सहायक फौजदार अतुल वंजारी, योगेश बारी, सिद्धेश्वर डापकर, राहुल रगडे, विशाल कोळी यांनी केलेली आहे.
