आ. राजूमामा भोळे यांचे आवाहन, प्रभाग क्रमांक ७ मध्ये चंद्रशेखर अत्तरदे यांच्या प्रचाराचा शुभारंभ
जळगाव विशेष प्रतिनिधी
जळगाव शहर महानगरपालिकेच्या निवडणुकीची रणधुमाळी आता सुरू झाली आहे. प्रभाग क्रमांक ७ मध्ये चंद्रशेखर प्रकाश अत्तरदे यांच्या प्रचाराचा शुभारंभ रविवारी दि. ४ जानेवारी रोजी सकाळी १० वाजता करण्यात आला. यावेळी आ. राजूमामा भोळे यांची प्रमुख उपस्थिती होती.
जळगाव शहर महानगरपालिका निवडणुकीमध्ये भारतीय जनता पक्षाचे उमेदवार प्रभाग क्रमांक ७ येथे अ मधून दीपमाला मनोज काळे, ब मधून अंकिता पंकज पाटील, क मधून विशाल सुरेश भोळे हे बिनविरोध निश्चित झाले आहेत. दरम्यान प्रभाग क्रमांक ड मध्ये चंद्रशेखर प्रकाश अत्तरदे हे निवडणूक रिंगणात आहेत. त्यांच्या प्रचाराचा शुभारंभ गणेश कॉलनी येथील गुरुदेव दत्त मंदिर येथे सकाळी १० वाजता आ. राजूमामा भोळे आणि दिनकर गुरुजी यांच्या हस्ते नारळ फोडून करण्यात आला.
विकासाचा रथ कायम पुढे नेण्यासाठी शहरांमध्ये भारतीय जनता पार्टी आणि महायुतीच्या उमेदवारांना विजयी करा असे आवाहन यावेळी आमदार राजूमामा भोळे यांनी केले. यानंतर चंद्रशेखर अत्तरदे यांची प्रचारफेरी श्रीकृष्ण कॉलनी, जिल्हा परिषद कॉलनी, संत ज्ञानेश्वर कॉलनी, गणेश कॉलनी आदी प्रभागांमध्ये काढण्यात आली. यावेळी नागरिकांनी प्रचार फेरीमध्ये भरभरून प्रतिसाद दिला.
यावेळी उमेदवार दीपमाला मनोज काळे, अंकिता पंकज पाटील, विशाल सुरेश भोळे यांच्यासह माजी महापौर सीमाताई भोळे, माजी नगरसेवक जयश्री नितीन पाटील, मनोज काळे, माधुरी अत्तरदे, पंकज पाटील, सरचिटणीस चेतन तिवारी, सविता बोरसे, ऋषिकेश शिंपी, बंटी नेरपगार आदी उपस्थित होते.
