प्रभाग क्र. ७ अ मधून लढणार
जळगाव विशेष प्रतिनिधी
जळगाव शहर महानगरपालिकेच्या प्रभाग क्रमांक ७ अ येथून दीपमाला मनोज काळे यांनी उमेदवारी अर्ज मंगळवार दि. ३० रोजी समर्थकांसह नागरिकांच्या उपस्थितीमध्ये मोठ्या उत्साहात दाखल केला आहे. तर या भागामध्ये अनेक वर्षांपासून सामाजिक, सांस्कृतिक क्षेत्रात कार्यरत असून विजयाचा विश्वास त्यांनी व्यक्त केला आहे.
भारतीय जनता पक्षातर्फे यंदा तरुण तडफदार व नवीन उमेदवारांना तिकीट देण्यामध्ये प्राधान्य दिसून येत आहे. त्यातच आता अनेक वर्षांपासून प्रभागांमध्ये सामाजिक काम करीत असलेल्या नावांचा यादीमध्ये समावेश दिसून येणार आहे. त्यातच प्रभाग क्रमांक ७ येथे दीपमाला काळे यांना पुन्हा एकदा भारतीय जनता पक्षातर्फे ७ अ मधून संधी देण्यात आली आहे. मंगळवारी सकाळी ९ वाजता निवासस्थानापासून समर्थकांसह व नागरिकांचे आशीर्वाद घेऊन दीपमाला काळे या महानगरपालिकेत दाखल झाल्या. त्यांनी निवडणूक निर्णय अधिकाऱ्यांकडे आपला उमेदवारी अर्ज सादर केला. यानंतर माध्यमांशी बोलताना त्यांनी, आपल्या मागील काळात विकासकामे केली असून विजयाचा विश्वास व्यक्त केला आहे. भारतीय जनता पक्षाने आम्हाला उमेदवारी दिल्यामुळे आम्ही आभारी आहोत. पक्षाचे नेते मंत्री गिरीश महाजन, निवडणूक प्रमुख आ. राजूमामा भोळे, निवडणूक प्रभारी आ. मंगेश चव्हाण, खा. स्मिताताई वाघ, नितीन लढ्ढा, महानगर जिल्हाध्यक्ष दीपक सूर्यवंशी यांचे त्यांनी आभार मानले असून विकास कामांचे मुद्दे घेऊन आम्ही जनतेसमोर जाणार असल्याची माहिती दीपमाला काळे यांनी दिली आहे.
