जळगाव (प्रतिनिधी) – तालुक्यातील विटनेर शिवारातील शेतात राहणाऱ्या १४ वर्षीय मुलीच्या अंगावर वीज कोसळल्याने तिचा जागीच मृत्यू झाल्याची दुदैवी घटना काल २७ रोजी सायंकाळी ६ वाजेच्या सुमारास घडली.सोनाली राजेंद्र बारेलाअसे मयत मुलीचे नाव आहे.
याबाबत अधिक माहिती अशी की, जळगाव तालुक्यातील विटनेर येथील तरूणी विटनेर शिवारातील शेतात आपल्या कुटुंबियांसह राहात होती. काल २७ सप्टेंबर रोजी सायंकाळी ६ वाजेच्या सुमारास शेतात असतांना रमझिम पाऊस सुरु होता. यावेळी विजेचा कडकडाट सुरु असताना सोनालीच्या अंगावर वीज कोसळली त्यात तीचा जागीच मृत्यू झाला.
यावेळी जितेंद्र कोठारी यांनी लागलीच सोनालीला मयत स्थितीत जळगाव शासकीय रुग्णालयात दाखल केले. यावेळी CMO डॉ.श्रावणी हुबे यांनी मयत घोषित केले. याबाबत एमआयडीसी पोलीस स्टेशनमध्ये अकस्मात मृत्यूची नोद करण्यात आली.
जळगाव येथील एस.यु.पाटील यांच्या शेतात राहणारा रविंद्र भिमसिंग बारेला यांच्याकडे साधारण एक ते दीड महिन्यापासून सोनाली राजेंद्र बारेला राहत होती. काल वीज कोसळल्यानेत्याच्या मृत्यूने परीसरात हळहळ व्यक्त होत आहे. आज तरुणीचा मृतदेह शवविच्छेदन होऊन अंत्यसंस्कार करण्यात आला.
