पाचोरा ( प्रतिनिधी ) – निंभोरा बुद्रुक येथील ६८ वर्षीय वृध्दाचा वीजेच्या धक्क्याने जागीच मृत्यू झाल्याची शनीवारी घडली पाचोरा पोलीस ठाण्यात अकस्मात मृत्यूची नोंद करण्यात आली आहे.कैलास नथ्थु पाखले (वाणी) (वय-६८) असे मयत वृध्द व्यक्तीचे नाव आहे.
कैलास पालखे हे शनिवारी सायंकाळी घरात इलेक्ट्रीकचे किरकोळ काम करीत असतांना त्यांच्या हाताला वायरचा स्पर्श झाल्याने वीजेचा धक्का बसला. त्यात ते जागीच ठार झाले त्यांना नातेवाईकांनी पाचोरा ग्रामीण रूग्णालयात दाखल केले असता वैद्यकीय अधिकारी डॉ. अमित साळुंके यांनी मयत घोषीत केले.
पाचोरा पोलीस ठाण्यात अकस्मात मृत्यूची नोंद करण्यात आली आहे.गुन्हा पिंपळगाव (हरेश्र्वर) पोलिस ठाण्यात वर्ग करण्यात आला असून तपास स पो नि कृष्णा भोये यांचे मार्गदर्शनाखाली हवालदार राकेश खोंडे तपास करीत आहेत. मयतावर रविवारी दुपारी निंभोरी येथे अंत्यसंस्कार करण्यात आले. त्यांचे पश्चात पत्नी, दोन मुले, दोन मुली, सुना नातवंडे, जावई असा परिवार असून ते नाशिक येथील प्रमोद व सुधाकर पाखले यांचे वडील होत.
