पारोळा तालुक्यातील बहादरपूर येथील घटना
पारोळा ( प्रतिनिधी ) – तालुक्यातील बहादरपूर येथे घराचे बांधकाम करीत असताना विजेच्या तारेला हाताचा स्पर्श झाल्याने ४९ वर्षीय कारागिराचा मृत्यू झाल्याची घटना दि. १५ रोजी दुपारी ४ वाजेच्या सुमारास घडली. याप्रकरणी पारोळा पोलीस स्टेशनला अकस्मात मृत्यूची नोंद करण्यात आली आहे.
प्रकाश पंडित मोरे (४९, रा. महिंदळे, जि. धुळे) असे मयत व्यक्तीचे नाव आहे. पारोळा तालुक्यातील बहादरपूर येथे संदीप हिम्मत भोई (बहादरपूर) यांच्या घराच्या बांधकामासाठी त्यांचे पाहुणे प्रकाश मोरे हे आले होते. त्यावेळी विद्युत तारेला डावा हात लागल्याने मोरेना विजेचा जबर धक्का लागला व ते खाली कोसळले. त्यांना पारोळा कुटीर रुग्णालयात दाखल केले असता डॉक्टरांनी मृत घोषित केले. याबाबत पारोळा पोलीस स्टेशनला अकस्मात मृत्यूची नोंद करण्यात आली असून अधिक तपास पारोळा पोलिस करत आहेत.
