‘छावा’ चे पडसाद विधानसभेत, आवाजी मताने प्रस्ताव मंजूर
मुंबई (वृत्तसेवा) : समाजवादी पक्षाचे नेते अबू आझमी यांना विधानसभेतून निलंबित करण्यात आले. मंत्री चंद्रकांत पाटील यांनी प्रस्ताव मांडल्यावर विधानसभा अध्यक्ष राहुल नार्वेकर यांनी बहुमताने मंजूर झाल्याचे घोषित केले. त्यानंतर अबु आझमी यांना निलंबित केल्याचे घोषित केले.
विधानसभा सदस्य अबू आझमी यांनी विधानसभा सभागृहाच्या परिसरात प्रसार माध्यमांशी संवाद साधताना म्हणाले होते की, औरंगजेब हा उत्तम प्रशासक होता. अशा स्वरूपाचे भलामण करणारे व छत्रपती संभाजी महाराजांच्याबद्दल अत्यंत आक्षेपार्ह वक्तव्य केल्याबद्दल त्यांना निलंबित करा असा प्रस्ताव मंत्री चंद्रकांत पाटील यांनी मांडला. यावर आ. सुधीर मुनगंटीवार व आ. विजय वडेट्टीवार यांनी मत मांडले. आ. मुनगंटीवार यांनी छावा सिनेमातील उदाहरण दिले. यानंतर अध्यक्ष राहुल नार्वेकर यांनी सदस्यांना मंजूर असेल तर हात वर करा असे सांगितले. नंतर बहुमताने हा प्रस्ताव मंजूर करीत अबू आझमी यांना निलंबित केले.
