अमळनेर शहरात गजानन महाराज मंदिराजवळ घटना
अमळनेर ( प्रतिनिधी ) – बांधकामाच्या ठिकाणी काम करत असतांना परप्रांतीय तरूणाला विजेचा धक्का लागल्याने दुदैवी मृत्यू झाल्याची घटना शनिवारी १९ जुलै रोजी सकाळी ११.३० वाजता अमळनेर शहरातील गजानन महाराज मंदीराजवळ घडली आहे. याबाबत अमळनेर पोलीसात अकस्मात मृत्यूची नोंद करण्यात आली आहे.
विनायक नानु उईके (वय २० रा. खंडवा मध्यप्रदेश ह.मु. अमळनेर) असे मयत तरूणाचे नाव आहे. मध्यप्रदेशातील खंडवा येथील रहिवाशी असलेल्या विनायक उईके हा २० वर्षीय तरूण अमळनेर शहरात कामानिमित्त राहतो. सध्या तो शहरातील गजानन महाराज मंदीर परिसरात सुरू असलेल्या बांधकामाच्या ठिकाणी कामाला होता.
नेहमीप्रमाणे शनिवारी १९ जुलै रोजी सकाळी ११.३० वाजता तो बांधकामाच्या ठिकाणी दोरीच्या मदतीने सेंट्रींग कामासाठी लाणारे लोखंडी सळई दोरीच्या मदतीने ओढत असतांना लिप्टची सुरू असलेल्या ईलेक्ट्रीक वायरला लोखंडी सळई लागून विनायक उईके याला जोरदार विजेचा धक्का लागला. त्यावेळी सोबत काम करणाऱ्या सहकाऱ्यांनी त्याला उचलून तातडीने अमळनेर ग्रामीण रूग्णालयात दाखल करण्यात आले. यावेळी वैद्यकीय अधिकारी यांनी मयत घोषीत केले. याप्रकरणी अमळनेर पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलीस उपनिरीक्षक नामदेव बोरकर हे करीत आहे.
