जामनेर ( प्रतिनिधी ) – शहरानजीक हरिओम नगरजवळ दोन दुचाकी वाहनांच्या अपघातात प्रशांत संजय पाटील ( रा – पाळधी ) या तरुणाचा मृत्यू झाला नांद्रा प्र लो येथील सरपंच मिलिंद गांगुर्डे व त्यांच्या पत्नी या अपघातात जखमी झाले आहे.
वाकी गावालगत हरिओम नगर जवळ काल सायंकाळी नांद्रा प्र.लो. येथील सरपंच व त्यांच्या पत्नी दुचाकीवर जामनेरकडे जात असताना त्यांच्या समोरून जामनेरकडून पाळधी गावाकडे जाणाऱ्या प्रशांत संजय पाटील यांच्या दुचाकीची समोरासमोर धडक झाल्याने या अपघातात प्रशांत पाटील यांचा मृत्यू झाला नांद्रा येथील सरपंच व त्यांच्या पत्नी गंभीर जखमी झाले आहेत. त्यांच्यावर जामनेर शहरातील खाजगी रुग्णालयात उपचार सुरू असून मयतबाबत जामनेर पोलीस ठाण्यात अकस्मात मृत्यूची नोंद करण्यात आली आहे.
