जळगाव ( प्रतिनिधी ) – तालुक्यातील वसंतवाडीच्या उपसरपंचपदी सखुबाई पाटील यांची आज बिनविरोध निवड करण्यात आली. वसंतवाडी येथे आज उपसरपंचपदासाठी निवडणूक सरपंच सौ.वत्सला पाटील यांच्या अध्यक्षतेखाली झाली ग्रामसेवक बबन वाघ यांनी निवडणूक निर्णय अधिकारी म्हणून काम पाहिले या निवडीसाठी ग्रामपंचायत सदस्य प्रिती जगताप, अनिता चिमणकारे, अरुणा सोनवणे, भागवत पवार, सखुबाई पाटील, गजमल पवार व भिमराव निकम हे सदस्य हजर होते.
एकमेव सखुबाई पाटील यांचा अर्ज आल्याने त्यांना बिनविरोध उपसरपंच घोषित करण्यात आले. निवडणूककामी शिपाई रामेश्वर चव्हाण व कर्मचारी उमेश पाटील यांनी सहकार्य केले उपसरपंच निवडणूक यशस्वी होण्यासाठी पॅनल प्रमुख आधार पाटील, भास्कर सोनार, ज्ञानेश्वर चव्हाण, संजय चिमणकारे यांनी मार्गदर्शन केले. उपसरपंच सखुबाई पाटील यांचा सरपंच सौ.वत्सलाबाई पाटील व ग्रामसेवक बबन वाघ यांनी शाल व पुष्पगुच्छ देवून सत्कार केला शुभेच्छा देण्यासाठी जळगाव तालुका संजय निराधार समितीचे अध्यक्ष रमेश पाटील, जळगाव तालुका आत्मा कमिटीचे अध्यक्ष पि.के.पाटील, जळकेचे पोलिस पाटील संजय चिमणकारे, वसंतवाडीच्या तंटामुक्त समितीचे अध्यक्ष ज्ञानेश्वर चव्हाण, जळके वि. का. सोसायटीचे माजी चेअरमन नेमीचंद जैन , जळके दुध उत्पादक सोसायटी माजी चेअरमन शिवाजी पाटील , राष्ट्रवादी काँग्रेसचे स्वर्णकार समितीचे अध्यक्ष भास्कर सोनार , रविंद्र पाटील व सुनील पाटील जळके आदी मान्यवर उपस्थित होते.
