पारोळा शहरातील घटना
पारोळा (प्रतिनिधी) – शहरातील किसान महाविद्यालयजवळ उभ्या असलेल्या डंपरला दुचाकीने मागून धडक दिल्याने ५५ वर्षीय प्रौढाचा जागीच मृत्यू झाल्याची घटना दि. २७ मार्च रोजी रात्री घडली. याप्रकरणी पारोळा पोलीस स्टेशनला गुन्हा दाखल करण्यात आला आहे.
शहरातील महामार्गावरील किसान कॉलेजसमोर अज्ञात चालकाने २७ रोजी रात्री ८ वाजेच्या सुमारास अशोक लेलैंड कंपनीचे डंपर (एमएच २०, एलबी ३१७१) हे रस्त्यावरच उभे करून ठेवले होते. या वेळी पळासखेडा सीम येथील पृथ्वीराज पाटील (वय ५५) हे बाजारानिमित्त पारोळा येथे दुचाकीने येत होते. त्यांच्या दुचाकीने डंपरला मागून जबर धडक दिली. या अपघातात ते गंभीर जखमी झाले. त्यांना पारोळा कुटीर रुग्णालयात दाखल केले होते. परंतु, उपचारादरम्यान पृथ्वीराज पाटील यांचा मृत्यू झाला.
तर योजनाबाई पृथ्वीराज पाटील या देखील गंभीर जखमी झाल्या आहेत. याबाबत अज्ञात डंपर चालकाविरुद्ध गुन्हा दाखल करण्यात आला आहे. या घटनेचा तपास पारोळा पोलीस करत आहेत.
