जळगाव शहरातील घटना
जळगाव (प्रतिनिधी) : उभ्या दुचाकीला मागून भरधाव येणाऱ्या दुचाकीने धड़क दिल्यामुळे अरुण विठ्ठल भारंबे (रा. आसोदा, ता. जळगाव) हे जखमी झाले. हा अपघात रविवारी (दि. २२ सप्टेंबर) रात्री आसोदा शिवारात झाला. या प्रकरणी धड़क देणाऱ्या दुचाकीचालकाविरुद्ध गुन्हा दाखल करण्यात आला आहे.
भूषण अरुण भारंबे (वय ४२, रा. आसोदा ता. जळगाव) हे रस्त्याच्या बाजूला दुचाकी (एमएच १९ डीएक्स ८१९५) घेऊन थांबलेले असताना मागून येणाऱ्या भरधाव दुचाकीने त्यांना धडक दिली. त्यात उभ्या दुचाकीवर मागे बसलेले अरुण विठ्ठल भारंबे हे जखमी झाले.
याप्रकरणी भूषण भारंबे यांनी तालुका पोलिस ठाण्यात फिर्याद दिली. त्यावरून धडक देणाऱ्या दुचाकीचालकाविरुद्ध गुन्हा दाखल करण्यात आला आहे. पुढील तपास पोहेकॉ विलास शिंदे करीत आहेत.
