टायगर ग्रुपची जिल्हाधिकाऱ्यांना निवेदनाद्वारे मागणी
जळगाव (प्रतिनिधी) – भडगाव तालुक्यात एका चिमुकलीवर अत्याचार करून खून केल्याप्रकरणी खटला हा फास्ट ट्रॅक कोर्टात चालविला गेला पाहिजे. दोषी आरोपीला फाशीची शिक्षा देण्यात यावी अशी मागणी टायगर ग्रुपतर्फे जिल्हाधिकाऱ्यांना निवेदन देऊन करण्यात आली आहे.
भडगाव पोलीस स्टेशनच्या हद्दीत असलेले गोंडगाव येथील चिमुकलीची बलात्कार व हत्या ही अतिशय दुर्देवी व निंदनीय घटना असून सदर घटनेतील संशयित आरोपी स्वप्नील पाटील (वय: २२ वर्ष, रा. गोंडगाव ता. भडगाव जि. जळगाव) याचेवर फास्ट ट्रैक कोर्टात केस चालविण्यात यावी. सदर प्रकरणाचा निकाल लवकरात लवकर लावून आरोपींना फाशीची शिक्षा देण्यात यावी, अशी मागणी टायगर गृप तर्फे करण्यात येत आहे. अन्यथा संघटनेतर्फे संपूर्ण फक्त जळगाव शहर नव्हे तर पूर्ण जळगाव जिल्हा बंद करण्यात येईल याची कृपया नोंद घ्यावी, असे निवेदनात म्हटले आहे.
निवेदन अप्प्पर जिल्हाधिकारी प्रवीण महाजन यांनी स्वीकारले. निवेदन देताना संस्थापक अध्यक्ष जालिंदर जाधव, राष्ट्रीय अध्यक्ष तानाजी जाधव, सागर कांबळे, खान्देश अध्यक्ष ऋषीकेश भांडारकर, यांच्यासह कुणाल बारी, अमजद पिंजारी, मोहित साळुंखे, सुजल सरोदे, सिद्धेश जैन, किरण इंगळे, हेरंब बेंडाळे, राज पाटिल, ओमकार मोरे, विशाल चौधरी, सुजल पारिल, नितिन महाजन आदि उपस्थित होते.
