जळगावात नेहरू नगर येथील घटना
जळगाव (प्रतिनिधी) :- शहरातील नेहरू नगर येथील रहिवासी तरुणाने राहत्या घरात गळफास लावून घेत आत्महत्या केल्याची धक्कादायक घटना सोमवारी उघड झाली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
नानक कन्हैयालाल सोढाई (वय ३७) असे मयत तरुणाचे नाव आहे. परिवारासह ते राहत होते. नेहरु नगर परिसरातील राहत्या घरामध्ये गळफास घेऊन त्यांनी आत्महत्या केली. ते रविवारी रात्री झोपले व सोमवारी दुपार झाली तरी त्यांनी खोलीचा दरवाजा न उघडल्याने त्यांच्या भावजयीने दरवाजा वाजविला, मात्र प्रतिसाद न मिळाल्याने त्यांनी खिडकीतून पाहिले असता नानक हे गळफास घेतलेल्या अवस्थेत दिसले.
त्यावेळी दुकानावर गेलेल्या तरुणाच्या भावास माहिती दिली व त्यानंतर नानक याला शासकीय वैद्यकीय महाविद्यालय व रुग्णालयात दाखल केले असता डॉक्टरांनी तपासून मयत घोषित केले. नानक हे नेहमी रात्री झोपले की दुसऱ्या दिवशी दुपारी एक ते दोन वाजेदरम्यान खोलीचा दरवाजा उघडायचे. त्यामुळे ते झोपलेलेच असावे, असे कुटुंबातील सदस्य समजत होते. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
