जळगाव शहरातील कोल्हे हिल्स टेकडीवरील घटना
जळगाव (प्रतिनिधी) : कामावर जात असल्याचे सांगून घरातून बाहेर पडलेल्या तरुणाने यांनी झाडाला साडीच्या सहाय्याने गळफास घेत आत्महत्या केली. ही घटना सोमवार दिनांक १४ ऑक्टोबर रोजी सायंकाळी साडेपाच वाजेच्या सुमारास कोल्हे हिल्स टेकडीवर घडली. याप्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
अमोल तोताराम इंगळे (२९, रा. शिवबानगर, कोल्हे हिल्स) असे मयत तरुणाचे नाव आहे. अमोल इंगळे हे वेल्डींगचे काम करायचे. सोमवारी सकाळी ते कामावर जात असल्याचे सांगून घराबाहेर पडले.(केसीएन)मात्र सायंकाळी इंगळे हे कोल्हे हिल्सच्या टेकडीवर एका झाडाला गळफास घेतलेल्या अवस्थेत एका इसमाला दिसले.
त्यांनी घटनेची माहिती तालुका पोलिसांना दिली. त्यानुसार पोहेकॉ अनिल फेगडे व सहकारी घटनास्थळी पोहचले. परिसरातील नागरिकांनी ओळख पटविल्यानंतर घटनेची माहिती त्यांच्या कुटुंबियांना दिली. कुटुंबिय घटनास्थळी पोहचले व मृतदेह पाहताच आक्रोश केला. पंचनामा करुन मृतदेह शासकीय वैद्यकीय रुग्णालयात दाखल करण्यात आला. जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
