जळगाव तालुक्यातील लमांजन येथील घटना
जळगाव (प्रतिनिधी) :- तालुक्यातील लमांजन येथील एका तरुण विवाहितेने राहत्या घरी साडीने गळफास लावून घेत आत्महत्या केल्याची धक्कादायक घटना सोमवारी दि. १४ जुलै रोजी दुपारी २ वाजेच्या सुमारास उघडकीस आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
अश्विनी गणेश पाटील (वय १९, रा. लमांजन ता. जळगाव) असे मयत नवविवाहितेचे नाव आहे. अश्विनी पती, सासू यांचेसह राहत होती. अश्विनीचे पती गणेश पाटील हे मेरिको कंपनीत कामगार आहेत. तर तिचे माहेर गावातच असून वडील सुधाकर पाटील हे शेतीकाम करतात.(केसीएन)दरम्यान, सोमवारी दुपारी २ वाजेच्या सुमारास अश्विनीची सासू शेतातील कामे आटोपून घरी परतली तेव्हा अश्विनी दरवाजा उघडत नव्हती. हे पाहून तिने खिडकीतून पाहण्याचा
प्रयत्न केला तर अश्विनीने साडीने गळफास घेऊन आत्महत्या केल्याचे दिसून आले.
यावेळी सासूने आवाज दिल्यानंतर शेजारचे नागरिक धावत आले. ग्रामस्थांनी अश्विनीला शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी तिला तपासून मयत घोषित केले.(केसीएन)यावेळी कुटुंबीयांचा मन हेलावणारा आक्रोश पाहून ग्रामस्थही गहिवरले होते. घटनेबद्दल गावात शोककळा पसरली असून एमआयडीसी पोलीस स्टेशनला अकस्मात मृत्यूची नोंद करण्यात आली आहे. दरम्यान, आत्महत्येचे कारण समजून आले नाही.
