जळगाव ( प्रतिनिधी ) – शहरातील तांबापूरा भागात बेकायदेशीर तंबाखू आणि पानमसाला विक्री करणाऱ्या तरूणावर एमआयडीसी पोलीसांनी छापा टाकून १० हजार ९७० रूपये किंमतीचा मुद्देमाला हस्तगत केला एमआयडीसी पोलीस ठाण्यात मंगळवारी दुपारी गुन्हा दाखल करण्यात आला
तांबापूरा भागात एक तरूण बेकायदेशीरित्या तंबाखू आणि पानमसाला विक्री करत असल्याची माहिती एमआयाडीसी पोलीस ठाण्याचे पो नि प्रताप शिकारे यांना मिळाली. पोलीसांच्या पथकाने मंगळवारी दुपारी छापा टाकला. यात संशयित आरोपी राज नुरमोहम्मद तडवी (वय-२५) रा. मदीना चौका) याला ताब्यात घेतले. त्यांच्या जवळ असलेला १० हजार ९७० रूपये किंमतीचे तंबाखू आणि पानमसाला हस्तगत केला आहे. पो ना सुधीर साळवे यांच्या फिर्यादीवरून एमआयडीसी पोलीस ठाण्यात संशयित राज नुरमोहम्मद तडवी याच्यावर गुन्हा दाखल करण्यात आला पुढील तपास पोउनि रविंद्र गिरासे करीत आहेत.
