एमआयडीसी पोलीस स्टेशनची कामगिरी
जळगाव (प्रतिनिधी) :- शहरातील महामार्गाजवळील रिलायन्स पेट्रोल पंपाच्या मागे एका दर्ग्यावर हातात तलवार घेऊन फिरत असल्याची माहिती मिळाल्यानुसार एमआयडीसी पोलीस स्टेशनने कारवाई केली. एका तरुणाला तलवारीसह ताब्यात घेण्यात आले आहे.
एम.आय.डी.सी पो स्टे हद्यीतील टिपु उर्फ बहि-या सलीम शेख, (वय ३० वर्षे, रा. रिलायस पेटालपंप, गोंदशहाबाबा दर्गा जवळ, मेहरुण, जळगाव) हा रिलायस पेट्रोलपंपा मागे, गोंदशहाबाबा दर्गा येथे हातात तलवार घेउन फिरत आहे अशी बातमी पोलीस निरिक्षक दत्तात्रय् निकम यांना मिळाली होती. त्यानुसार सदर ठिकाणी पोउनि शरद बागल, पोहेकॉ दत्तात्रय बडगुजर, योगेश बारी, गणेश ठाकरे, साईनाथ मुंढे, नरेंद्र मोरे अशांनी शनिवारी दि. १९ ऑक्टोबर रोजी ४ वाजता जाउन त्यास तलवारीसह ताब्यात घेतले होते.
एमआयडीसी पोस्टेला गुन्हा दाखल करण्यात आला आहे. सदर टिपु उर्फ बहि-या सलीम शेख यांच्यावर ७ गुन्हे दाखल असुन तो रेकॉर्डवरील गुन्हेगार आहे. त्यास न्यायालयात हजर केले असता श्रीमती बढे यांनी त्याची कारगृहात रवानगी केली आहे.
