जळगाव ;- धरणगाव तालुक्यातील पाळधी गावाजवळ एका अज्ञात वाहनाने दिलेल्या धडकेत दुचाकीस्वार इसम ठार झाल्याची घटना आज दुपारी घडली असून विकास भास्कर पाटील (वय-४२) रा. सनपुले ता. चोपडा ह.मु. शिवदत्त कॉलनी, चंदूअण्णानगर असे मयत दुचाकीस्वाराने नाव आहे.
विकास पाटील हे २५ मे रोजी सकाळी ११ वाजता बँदुचाकी क्रमांक (एमएच १९ सीएल १८९०) ने पाळधी ता. धरणगाव येथे आले. येथील पेट्रोल पंपावर पेट्रोल भरून ते जाण्यासाठी निघाले असता पाळधी गावातील साईबाबा मंदीराजवळ दुपारी १२.३० ते १ वाजेच्या सुमारास भरधाव वेगाने येणाऱ्या अज्ञात वाहनाने त्यांच्या दुचाकीला धडक दिली. तासाभरात त्यांची ओळख पटली. त्यांचा मृतदेह जिल्हा वैद्यकीय महाविद्यालयात आणण्यात आला आहे. मयत विकास पाटील यांच्या पश्चात पत्नी पुष्पांजली, मुलगा तेजस व मुलगी स्नेहल असा परिवार आहे. जिल्हा पेठ पोलीस ठाण्यात अकस्मात मृत्यूची नोंद करण्यात आली आहे. तपास पोलीस नाईक संदीप पाटील आणि पोकॉ प्रदीप पाटील करीत आहे.
