जळगाव (प्रतिनिधी) : तालुक्यातील शिरसोली येथील बारी समाज माध्यमिक व उच्च माध्यमिक विद्यालयात शनिवारी दि. १५ जून रोजी प्रवेशोत्सव साजरा करण्यात आला. शाळेच्या पहिल्या दिवशी नवीन प्रवेश घेतलेल्या विद्यार्थ्यांचे प्रवेशद्वारावर संस्थेचे चेअरमन अशोक बारी ,उपाध्यक्ष दिलीप बारी, सचिव सुरेश अस्वार ,संचालक अर्जुन काटोले, यादव बारी, निलेश खलसे व शाळेचे मुख्याध्यापक राजेंद्र आंबटकर यांच्या हस्ते पुष्पगुच्छ देवून ढोल ताशांच्या गजरात वाजत गाजत मिरवणूक काढण्यात आली.
त्यानंतर झालेल्या मुख्य कार्यक्रमात विद्यार्थ्यांचे पुष्पगुच्छ देऊन व नवीन पुस्तकाचे संच देऊन स्वागत करण्यात आले. विद्यार्थ्यांना शालेय पोषण आहारामध्ये गुळाचा शिरा देण्यात आला. याप्रसंगी कार्यक्रमाचे सूत्रसंचालन आर के पाटील व आभार मनीषा पायघन यांनी मानले. सदर कार्यक्रमाला शाळेतील शिक्षक व शिक्षकेतर कर्मचारी उपस्थित होते.
