जळगाव (प्रतिनिधी) – तालुक्यातील शिरसोली प्र.न. येथे रोटरी क्लब ऑफ जळगाव वेस्टतर्फे वृक्षारोपण करण्यात आले. प्रसंगी शिरसोलीतील नागरिक मोठ्या संख्येने उपस्थित होते.
रोटरी क्लबतर्फे विविध उपक्रम दरवर्षी घेण्यात येतात. यंदा रोटरी वेस्टतर्फे वृक्षारोपण कार्यक्रम घेण्यात आले. गावातील स्मशान भूमी, शाळेत विविध ठिकाणी वेगवेगळ्या जातीची झाडे लावण्यात आली. शिरसोली प्र.न. गाव हिरवेगार व्हावे हि ईच्छा रोटरी सदस्यांनी व्यक्त केली. याप्रसंगी रोटरीचे अध्यक्ष सरिता खाचणे,सचिव मुनीरा तरवारी,अंकित जैन, अंकुर अग्रवाल,महेश सोनी, अतुल कोगटा, भद्रेश शाह, मानसी शाह उपस्थित होते.
गावातील सरपंच हिलाल भिल्ल, उपसरपंच मुद्दसर पिंजारी, ग्रामपंचायत सदस्य श्रावण ताडे, गौतम खैरे, शशिकांत अस्वार, रामकृष्ण काटोले, वासुदेव बोरसे,शेनफडू पाटील,मिठाराम पाटील, पोलिस पाटील श्रीकृष्ण बारी, समाधान बोबडे, उत्तम अस्वार, सुभाष अस्वार, भगवान बोबडे,प्रणय सोनवणे, उमाजी पानगळे, सुनिल माळी, नाना हवालदार यांनी आभार मानले.
