मुक्ताईनगर (प्रतिनिधी ) ;-तालुक्यातील मराठी शाळा निमखेडी येथे ग्रामस्थांतर्फे ५ सप्टेंबर रोजी शिक्षकांचा सत्कार करण्यात आला. त्यावेळी अध्यक्षस्थानी गावचे सरपंच प्रमोद इंगळे हे होते.
प्रमुख पाहुणे म्हणून वार्ताहार कैलास कोळी ,एन जी शेजोळे ,बँक मॅनेजर निमखेडी विकास संस्थेचे कर्मचारी दिगंबर शिंगोटे, नीना राखुंडे, प्रकाश इंगळे, अमोल कांडेलकर या सर्वांतर्फे शाळेचे मुख्याध्यापक पांडुरंग पाटील ,भीमराव सूर्यवंशी , किशोर सुलताने, सुधीर मांजरे ,राहुल ठवरे सचिन खंडागळे ,राणी माहुरे यांचा सत्कार करण्यात आला. शिक्षक म्हणजे राष्ट्र मंदिरातील देवाच्या मूर्ती घडवणारे शिल्पकार आहेत असे एन जी शेजोळे यांनी आपल्या मनोगतात व्यक्त केले.
तसेच याप्रसंगी कैलास कोळी यांनीसुद्धा मनोगत व्यक्त केले. अंगणवाडी सेविका छायाबाई नामदेव इंगळे, द्वारकाबाई कौतिक राखुंडे ,प्रतिभा प्रकाश इंगळे ,निर्मला खंडाळे, राधा कांडेलकर या अंगणवाडी सेविकांचा सुद्धा सत्कार करण्यात आला. तसेच शिवा उज्जैनकर माध्यमिक विद्यालय पारंबी शरद बोदडे , माध्यमिक विद्यालय सुकळी, चंद्रमणी इंगळे तराळ विद्यालय अंतुर्ली यांचा श्री शेजोळे यांनी घरी जाऊन सत्कार केला
