अमळनेर तालुक्यात पाडळसरे येथील घटना
अमळनेर (प्रतिनिधी) :- तालुक्यातील पाडळसरे येथे राहणाऱ्या एका तरुण शेतकऱ्याने राहत्या घराच्या दुसऱ्या मजल्यावर गळफास घेवून आत्महत्या केल्याची घटना बुधवार दि. ९ जुलै रोजी दुपारी १.३० वाजेच्या सुमारास उघडकीला आली आहे. याबाबत मारवड पोलीस ठाण्यात अकस्मात मृत्यूची नोंद करण्यात आली.
सोपान महारू कोळी (वय ३२, रा. पाडळसरे ता. अमळनेर) असे मयत तरुण शेतकऱ्याचे नाव आहे. सोपान कोळी हा पत्नी आणि मुलाबाळांसह वास्तव्याला होता. शेतीचे काम करून उदरनिर्वाह करत होता.(केसीएन)दरम्यान नेहमीप्रमाणे बुधवारी दि. ९ जुलै रोजी सकाळी त्यांची पत्नी ह्या कामावर निघून गेल्या होत्या. त्यानंतर ते राहत असलेल्या घराच्या वरच्या मजल्यावर एकटेच असतांना त्यांनी झोक्याच्या दोरीने गळफास घेतला होता. दरम्यान सोबत काम करणाऱ्या संदीप कोळी यांनी फोन त्यांच्या घरी भावाला फोन करून पाठवण्याचे सांगितले. त्यावेळी त्याला बोलवण्यासाठी सोपानची आई सीमाबाई या घराच्या वरच्या मजल्यावर गेला. त्यांना मुलाने गळफास घेतल्याचे दिसून आले. सोपानला अमळनेर येथील ग्रामीण रुग्णालयात दाखल केले. त्यावेळी वैद्यकीय अधिकारी यांनी तपासून मयत घोषित केले. दरम्यान या संदर्भात मारवड पोलीस ठाण्यात अकस्मात मृत्यूची नोंद करण्यात आली. या घटनेबाबत पुढील तपास पोलीस कॉन्स्टेबल प्रवीण पारधी करीत आहे.
