पाचोरा तालुक्यातील शेवाळे येथील घटना
पाचोरा (प्रतिनिधी) : तालुक्यातील शेवाळे येथे शेतात गेलेल्या तरुणाचा विहिरीत पडून दुर्दैवी मृत्यू झाल्याची घटना गुरुवारी दि. १९ रोजी रात्री १० वाजता घडली आहे. याप्रकरणी पिंपळगाव हरेश्वर पोलीस स्टेशन येथे अकस्मात मृत्यूची नोंद करण्यात आली आहे.
प्रशांत उर्फ सोनू छोटू भगुरे (वय २१, रा. शेवाळे ता. पाचोरा) असे मयत तरुणाचे नाव आहे. तो गावात परिवारासह राहत होता. गुरुवारी तो रात्री शेतशिवाराकडे गेला होता. तेव्हा शेतातील विहिरीत पडून त्याचा मृत्यू झाला. ग्रामस्थांना कळताच त्याला पाचोरा ग्रामीण रुग्णालयात नेण्यात आले. तेथे वैद्यकीय अधिकाऱ्यांनी त्याला मयत घोषित केले. घटनेची पिंपळगाव हरेश्वर पोलीस स्टेशनला नोंद करण्यात आली आहे.
