जळगाव ( प्रतिनिधी ) – कंडारी येथे गुरे चारण्याच्या कारणावरून एकाला दोन जणांनी बेदम मारहाण करून जखमी केल्याने नशिराबाद पोलीस ठाण्यात गुन्हा दाखल करण्यात आला आहे.
राजू शेख बाबु (वय-५४ , रा. कंडारी ता . जळगाव ) हे कुटुंबियांसह वास्तव्याला आहे. ते शेती करून उदरनिर्वाह करतात. १३ जानेवारीरोजी राजू शेख यांच्या शेताच्या बांधावर भाऊसाहेब सुर्वे याने गुरे चारण्यासाठी सोडले होते. याचा जाब विचारण्यासाठी १४ जानेवारीरोजी सकाळी राजू शेख हे घरी गेले असता याचा राग असल्याने भाऊसाहेब सुर्वे आणि मयुर सुर्वे ( रा. कंडारी ) यांनी चापटाबुक्क्याने बेदम मारहाण करून गंभीर दुखापत केली. राजू शेख यांच्या फिर्यादीवरून दुपारी नशिराबाद पोलीस ठाण्यात दोन जणांविरोधात गुन्हा दाखल करण्यात आला पुढील तपास स फौ शेख गफुर हे करीत आहेत.
