पुणे ( वृत्तसंस्था ) — पिंपरी जवळील देहूरोड येथील घोराडेश्वर डोंगरात दिराने पहाटे वहिनीसोबत फिरायला गेल्यानंतर शरीरसुखाचा नकार दिल्यामुळे तिची निर्घृण हत्या केली आहे. आरोपीने महिलेचा गळा आवळून हत्या केल्यानंतर तिचं डोकं दगडानं ठेचलं
काही स्थानिक नागरिकांना डोंगरावरील एका झुडुपात महिलेचा मृतदेह आढळल्यानंतर ही घटना उजेडात आली पोलिसांनी गुन्हा दाखल केला असून संशयित आरोपी चुलत दीरास पोलिसांनी ताब्यात घेतलं आहे. पुढील तपास तळेगाव दाभाडे पोलीस करत आहे. हत्या झालेल्या 25 वर्षीय महिला देहूरोड येथील थॉमस कॉलनीत वास्तव्याला होत्या. तुकाराम धडस असं अटक केलेल्या 24 वर्षीय आरोपी चुलत दीराचं नाव आहे.
मृत महिला रविवारी पहाटे आपल्या चुलत दीरासोबत घोराडेश्वर डोंगरावर फिरायला गेल्या होत्या. दरम्यान नराधम चुलत दीराने मृत महिलेकडे शरीरसुखाची मागणी केली. पण पीडित महिलेनं शारीरिक संबंधासाठी नकार दिला. वहिनीने लैंगिक संबंध ठेवण्यास नकार दिल्याने चिडलेल्या आरोपी चुलत दीराने पीडितेची गळा आवळून हत्या केली आहे.
गळफासाने जीव गेल्यानंतरही त्याने पीडितेची ओळख पटू नये, म्हणून तिचं दगडाने डोकं ठेचलं नंतर आरोपीनं पीडितेचा मृतदेह एका झुडुपात टाकून घटनास्थळावरून पळ काढला सोमवारी सकाळी स्थानिक नागरिकांनी मृतदेह पाहिल्यानंतर ही धक्कादायक घटना उघडकीस आली मृत महिलेची ओळख पटवून पोलिसांनी अवघ्या काही तासांत आरोपी दीराला गजाआड केलं आहे.
