जळगाव शहरातील आशाबाबा नगर परिसरातील घटना
जळगाव (प्रतिनिधी) :- रेल्वे रु‌ळांमध्ये झोपून वृदधाने आत्महत्या केल्याची घटना १५ ऑक्टोबर रोजी रात्री शिवकॉलनी ते आशाबाबा नगर दरम्यान घडली. या प्रकरणी रामानंद नगर पोलिस ठाण्यात अकस्मात मृत्यूची नोंद करण्यात आली आहे.
रामदास बाबुराव महाले (८५, रा. सेंट्रल बँक कॉलनी जवळ, पिंप्राळा) असे मयत वृद्धाचे नाव आहे. दिनांक १५ ऑक्टोबर रोजी संध्याकाळी शिवकॉलनी ते आशाबाबा नगर दरम्यान असलेल्या खांबा क्रमांक ४१७/७ जवळ रेल्वे रुळाच्यामध्ये झोपून महाले यांनी आत्महत्या केली. याविषयी माहिती मिळताच रामानंद नगर पोलिस ठाण्याचे पोहेकॉ प्रवीण जगदाळे व त्यांचे सहकारी घटनास्थळी पोहचले.
मयताची ओळख पटविण्यासाठी त्यांनी परिसरातील नागरिकांना बोलविले त्या वेळी मयताची ओळख पटली व त्यांचे नाव स्पष्ट झाले. घटनास्थळाच्या काही अंतरावरच ते राहत होते. या प्रकरणी रामानंद नगर पोलिस ठाण्यात अकस्मात मृत्यूची नोंद करण्यात आली आहे.
