जळगाव ( प्रतिनिधी ) – धावत्या रेल्वेखाली सापडून एका व्यक्तीचा मृत्यू झाल्याची घटना आज जळगावात घडली .
शहरातील प्रेमनगरजवळच्या लक्ष्मणनगरातील रहिवाशी संजय वसंत खडके ( वय ५६ ) हे आज नेहमीप्रमाणे सकाळी फिरायला घराबाहेर पडले होते . सकाळी ७ . ३० वाजेच्या सुमारास ते रेल्वे पटरी ओलांडत असताना रेल्वेगाडी त्याचवेळी येत आहे हे त्यांच्या लक्षात आले नाही. या रेल्वेखाली सापडून त्यांचा जागीच मृत्यू झाला . या दुर्दैवी घटनेची माहिती रेल्वेचे अधिकारी सचिन भावसार यांनी स्थानिक पोलिसांना दिली संजय खडके यांच्या पश्चात पत्नी , आई , एक मुलगा , सून , नातू असा परिवार आहे.
