आरबीआयकडून देशातील सर्वात सुरक्षित ३ बँकांची यादी जाहीर

वाचा, कोणत्या आहेत..?

नवी दिल्ली (वृत्तसेवा) : बँकेचा वापर प्रत्येक सामान्य व्यक्तीसाठी महत्वाचा झाला आहे. रोज छोटे-मोठे व्यवहार हे आता ऑनलाइन होत आहे. रोख रक्कम वापरण्याचे प्रमाण कमी होत आहे. अशा परिस्थितीत प्रत्येक व्यक्तीसाठी बँकेत खाते उघडणे गरजेचे झाले आहे. मात्र, खाते उघडताना काही गोष्टींची काळजी घेणे आवश्यक आहे. आपले खाते सुरक्षित बँकेत असावे हा कल सर्वांचा असतो. भारतीय रिझर्व्ह बँकेने (आरबीआय) देशातील तीन सर्वात सुरक्षित बँकांची यादी जाहीर केली आहे.

आरबीआयने तीन सर्वात सुरक्षित बँकांची यादी प्रसिद्ध केली आहे. या बँकांमध्ये ठेवलेला पैसा कधीही बुडणार नाही. भारतीय रिझर्व्ह बँकेने “Domestic Systemically Important Banks” या यादीत एका सरकारी आणि दोन खाजगी बँकांचा समावेश केला आहे. (केआयएन) या बँकांमध्ये ग्राहकांचे पैसे पूर्णपणे सुरक्षित राहतील. या बँका डुबण्याची शक्यता अत्यंत कमी आहे.भारतीय रिझर्व्ह बँकेच्या नियमानुसार, प्रत्येक खातेदाराला त्याच्या खात्यातील ठेवीसाठी जास्तीत जास्त ५ लाख रुपये बीमा क्लेम मिळतो. जर एखाद्या खात्यात १ कोटी रुपये जमा असले, तरीही आरबीआयच्या नियमानुसार फक्त ५ लाख रुपयांपर्यंतच बीमा मिळेल. म्हणूनच, अशा बँकांमध्ये पैसे ठेवणे टाळावे जिथे ते बुडण्याचा धोका आहे.

भारतीय रिझर्व्ह बँकेने “Domestic Systemically Important Banks (D-SIBs)” ची यादी जाहीर केली आहे. या यादीत पहिल्या क्रमांकावर “स्टेट बँक ऑफ इंडिया (एसबीआय)” आहे. याशिवाय, दोन खाजगी बँका “एचडीएफसी” आणि “आयसीआयसीआय” या यादीत समाविष्ट आहेत. आरबीआयने या बँकांना सर्वात सुरक्षित घोषित केले आहे. (केआयएन)आरबीआयने जाहीर केलेल्या “D-SIBs” यादीतील तीन बँका देशाच्या अर्थव्यवस्थेसाठी अत्यंत महत्त्वाच्या आहेत. त्यांना “Domestic Systemically Important Banks” चा दर्जा देण्यात आला आहे. या बँकांना देशातील सर्वात सुरक्षित बँका मानले जाते. म्हणूनच, या बँकांमध्येच खाते उघडणे फायदेशीर ठरू शकते. आरबीआयच्या सूचीतील या तीन बँका संपूर्ण आर्थिक प्रणालीसाठी खूप महत्त्वाच्या आहेत.

या बँका जर डुबल्या, तर संपूर्ण अर्थव्यवस्थेला फटका बसेल. म्हणूनच, या बँकांना आर्थिक संकट येऊ नये यासाठी सरकारदेखील त्यांना वाचवण्यासाठी शक्य ते सर्व प्रयत्न करेल. आरबीआयने “D-SIBs” ची यादी दि. ३१ मार्च २०२४ पर्यंतच्या आकडेवारीच्या आधारे तयार केली आहे. या बँकांना “Additional Common Equity Tier-1” मेंटेन करावे लागेल. प्रत्येक बँकेने त्यांच्या गटानुसार आवश्यक Common Equity Tier-1 कायम ठेवणे गरजेचे आहे. यामुळे बँकांना आर्थिक संकटांचा सामना करणे सोपे जाईल. (केआयएन) 2014 पासून हा नियम लागू आहे. भारतीय रिझर्व्ह बँकेने “घरेलू सिस्टमसाठी महत्त्वाच्या बँका” ही यादी पहिल्यांदा २०१४ मध्ये तयार केली होती. त्यावेळी केवळ एकाच बँकेचा या यादीत समावेश होता ती म्हणजे एसबीआय. त्यानंतर, २०१६ मध्ये “आयसीआयसीआय” या यादीत समाविष्ट करण्यात आला. २०१७ मध्ये “एचडीएफसी बँक” चा देखील या यादीत समावेश करण्यात आला.