जळगाव (प्रतिनिधी) – शहरातील सिंधी कॉलनी रोडवर उभ्या दोन रिक्षाचे लोखंडी डिक्ससह चाके लांबवल्याची घटना उघडकीला आली. एमआयडीसी पोलिस ठाण्यात गुन्हा दाखल झाला.
जोशी कॉलनी येथील प्रेम शरद बागुल यांनी रविवारी रात्री ११ वाजता एमएच १९ सीडब्लु ३११५ या क्रमांकाची रिक्षा घरापासून काही अंतरावर असलेल्या कला भवनसमोर उभे केली होती. सोमवारी सकाळी ८ वाजता नेहमीप्रमाणे रिक्षा घेऊन जाण्यासाठी बागुल घराबाहेर पडले असता त्यांना रिक्षाचे मागील चाक लोखंडी डिस्कसह चोरट्यांनी लांबविले असल्याचे दिसून आले. दरम्यान बागुल यांची रिक्षा उभ्या असलेल्या बाजूच्या दुसऱ्या एमएच १९ जे ७७८१ या क्रमांकाच्या रिक्षाचेही मागील बाजूचे चाक लोखंडी डिस्कसह चोरून नेल्याचे समोर आले. दोन रिक्षांचे चार हजार रुपये किंमतीचे चाके लांबवल्याप्रकरणी प्रेम बागुल यांच्या फिर्यादीवरून एमआयडीसी पोलिस ठाण्यात सायंकाळी गुन्हा दाखल झाला पुढील तपास पोलिस नाईक मुदस्सर काझी हे करीत आहेत.
