अमळनेरच्या अनिल पाटील यांचा समावेश, अजितदादांसह २९ आमदार फुटले
मुंबई (प्रतिनिधी) – राज्याच्या राजकारणात खळबळ उडाली आहे. भाजपा व शिवसेना शिंदे गटाने चक्क राष्ट्रवादी काँग्रेसचे विरोधी पक्षनेते अजित पवार यांना फोडून स्वतःकडे ओढून घेतले आहे. राष्ट्रवादीचे २९ आमदार फुटले असून त्यातील ९ मंत्री यांनी शपथ घेतली. राजभवनात रविवारी २ जुलै रोजी मंत्रिमंडळाचा विस्तार झाला. यात राष्ट्रवादी काँग्रेस पक्षाचे अजितदादा पवार यांनी सातव्यांदा उपमुख्यमंत्री पदाची शपथ घेतली आहे. तर जिल्ह्यातिल अमळनेर मतदारसंघाचे आ. अनिल भाईदास पाटील यांनीही मंत्रिपदाची शपथ घेतली.
राष्ट्रवादी काँग्रेस पक्षातर्फे अजित पवार, छगन भुजबळ, दिलीप वळसे पाटील, हसन मुश्रीफ, धनंजय मुंडे, धर्मरावबाबा आत्राम, अदिती तटकरे, संजय बनसोडे, अनिल पाटील यांनी शपथ घेतली.
