भुसावळ विभागाचाही सहभाग
जळगाव (प्रतिनिधी) : मध्य रेल्वेला एप्रिल आणि मे २०२३ मध्ये भंगाराच्या विल्हेवाटीतून ४५ कोटी २९ लाख रुपयांचा महसूल मिळाला आहे. भंगाराची विक्री मध्य रेल्वेच्या सर्व मुंबई (माटुंगा कार्यशाळा), पुणे, सोलापूर, भुसावळ आणि नागपूर या विभागांवर करण्यात आली आहे.
प्रत्येक विभाग, कार्यशाळा आणि शेड भंगार साहित्यापासून मुक्त असल्याची खात्री करण्यासाठी मध्य रेल्वेने “झिरो स्क्रॅप मिशन” साध्य करण्यासाठी अथक प्रयत्न सुरू ठेवले आहेत. मे मध्ये भंगार विक्री २२ कोटी ६९ लाख रुपये आहे आणि त्यानुसार मे पर्यंतची एकत्रित विक्री रु. ४५ कोटी २९ लाख आहे. समानुपातिक उद्दिष्टापेक्षा १३. २३ टक्के जास्त आहे. वार्षिक उद्दिष्ट ३०० कोटी आहे.
भंगाराची विक्री मध्य रेल्वेच्या सर्व ५ विभागांवर उदा. मुंबई (माटुंगा कार्यशाळा), पुणे, सोलापूर, भुसावळ आणि नागपूर येथे विविध ठिकाणी करण्यात आली आहे. विकल्या जाणा-या भंगाराच्या प्रमुख वस्तूंमध्ये ईएमयु कोच, आयसीएफ कोच, लोकोमोटिव्ह, वॅगन्स आणि इतर भंगाराचा समावेश होतो. “झिरो स्क्रॅप मिशन” चा एक भाग म्हणून, मध्य रेल्वेच्या सर्व विभाग, कार्यशाळा, शेड आणि विविध डेपोवर भंगार विक्रीचा उपक्रम हाती घेतला जात आहे.
