जळगाव शहरातील राधाकृष्ण नगर येथील घटना
जळगाव (प्रतिनिधी) : शहरातील सामाजिक कार्यकर्ते प्रफुल्ल सुपडू पाटील यांनी आज दि.२२ रोजी राहत्या घरात गळफास घेवून आत्महत्या केल्याची घटना उघडकीस आली आहे. याप्रकरणी जळगाव शहर पोलीस स्टेशनला अकस्मात मृत्यूची नोंद करण्यात आली आहे.
प्रफुल्ल सुपडू पाटील (वय ४०, रा. राधाकृष्ण नगर, जळगाव) हे सामाजिक कार्यकर्ते होते. प्रफुल्ल पाटील यांच्या पश्चात आई, पत्नी, तीन भाऊ, एक मुलगा, एक मुलगी असा परिवार आहे.(केसीएन)दि.२१ रोजी मध्यरात्रीच्या सुमारास राहत्या घरात गळफास घेवून त्यांनी जीवनयात्रा संपविली. सकाळी परिवारातील सदस्य जागी झाले तेव्हा त्यांना घटना उघडकीस आली. यावेळी कुटुंबीयांनी एकच आक्रोश केला होता.
त्यांना शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकारी यांनी त्यांना तपासून मयत घोषित केले. यावेळी परिवाराने मन हेलावणारा आक्रोश केला. सामाजिक कार्यकर्ते म्हणून त्यांची ओळख असल्याने त्यांच्या मृत्यूमुळे हळहळ व्यक्त होत आहे. जळगाव शहर पोलीस स्टेशनला अकस्मात मृत्यूची नोंद करण्यात आली आहे.
