जळगाव ( प्रतिनिधी ) – पोलीसात तक्रार दिल्याने कुटुंबियांना चार जणांनी लाकडी दांडक्याने बेदम मारहाण केल्याची घटना धानवड येथे घडली. एमआयडीसी पोलीसात या चार आरोपीविरोधात गुन्हा दाखल करण्यात आला आहे.
धानवड येथील रहिवाशी अशोक पंडीत पाटील (वय-५३) हे पत्नी, मुलगा व सुन यांच्यासह राहतात. शेती करून उदरनिर्वाह करतात. त्यांचा मुलगा राजेंद्र पाटील यांचा आणि गावातील अरूण पाटील यांच्यात जुना वाद असल्याने राजेंद्र पाटील यांनी एमआयडीसी पोलीसात यापुर्वी तक्रार दिली होती. पोलीसात तक्रार दिल्याचा राग अरूण पाटील याला आल्याने ३१ ऑक्टोबर रोजी रात्री अशोक पाटील हे कुटुंबियांसह घरात असतांना अरूण पाटील, जयवंताबाई पाटील, गोलू पाटील आणि पप्पू पाटील अनधिकृतपणे घरात आले. त्यांनी लांकडी दांडके व कुऱ्हाडीच्या दांडक्याने अशोक पाटील, राजेंद्र पाटील, निर्मलाबाई पाटील आणि राजश्री पाटील यांना बेदम मारहाण करून शिवीगाळ केली. अशोक पाटील यांच्या फिर्यादीवरून अरूण पाटील, जयवंताबाई पाटील, पप्पू पाटील आणि गोलू पाटील यांच्याविरोधात एमआयडीसी पोलीस ठाण्यात गुन्हा दाखल करण्यात आला आहे. पुढील तपास पो ना सचिन पाटील करीत आहेत.
