अमळनेर तालुक्यातील खापरखेडा येथील घटना
अमळनेर ( प्रतिनिधी ) – तालुक्यातील खापरखेडा प्र.डा.येथे एका प्रौढाने गळफास घेऊन आत्महत्या केल्याची घटना उघडकीस आली आहे. याप्रकरणी मारवड पोलीस स्टेशनला अकस्मात मृत्यूची नोंद करण्यात आली आहे.
सुरेश देवाजी भिल (वय ४५) असे मयत इसमाचे नाव असून त्याने आपल्या गावी राहत्या घरी घराच्या छताला गळफास घेतला. सदर घटना निदर्शनास आल्यानंतर त्यास अमळनेर ग्रामिण रुग्णालयात आणण्यात आले. येथे डॉक्टरांनी तपासून मृत घोषित केले.आत्महत्येचे कारण समजू शकले नाही. मयताच्या पश्चात पत्नी,एक मुलगा असा परिवार आहे. याबाबत अनिल सोनवणे यांनी मारवड पोलीस स्टेशनला दिलेल्या खबरीवरून अकस्मात मृत्यूची नोंद करण्यात आली असून पुढील तपास पो हे कॉ.संजय सूर्यवंशी हे करीत आहेत.
