प्रभाग ७ च्या उमेदवारांनी बजावला मतदानाचा हक्क
नागरिकांनी वेळेच्या आत कर्तव्य करण्याचे आवाहन
जळगाव प्रतिनिधी शहरातील महानगरपालिकेच्या निवडणुकीसाठी प्रभाग क्रमांक ७ येथील उमेदवारांनी मतदान केंद्रावर जाऊन मतदान करीत आपला हक्क बजावला. नागरिकांनी वेळेमध्ये जाऊन आपले मतदान करावे व राष्ट्रीय कर्तव्य पूर्ण करावे असे आवाहन उमेदवारांनी केले आहे.
भारतीय जनता पक्षाचे प्रभाग ७ चे उमेदवार दीपमाला मनोज काळे, अंकिता पंकज पाटील, विशाल सुरेश भोळे, चंद्रशेखर प्रकाश अत्तरदे यांनी प्रभागातील मतदान केंद्रावर जाऊन सकाळी आपले कर्तव्य पूर्ण केले. यावेळी त्यांच्यासोबत कार्यकर्त्यांची उपस्थिती होती.
मतदान करने आपले राष्ट्रीय कर्तव्य आहे. दुपारी गर्दी करण्यापेक्षा वेळेवर जाऊन केंद्रामध्ये मतदान करावे व मतदान केंद्रातील अधिकारी व कर्मचाऱ्यांना तसेच प्रशासनाला नागरिकांनी सहकार्य करावे असे आवाहन चारही उमेदवारांनी “केसरीराज”च्या माध्यमातून केले आहे.
